Mai or meri kalam jab bhi nikalte hai yun hi akele
Chal parte hai anjaan raahon par, koi tasveer dhundhne...
Yaadon kay gali kuucchon se guzarte
Sapno k aangan me titliyan pakadte hai
Udte hai pani me, kabhi aag me tairte hai
Kisi zulfon k badal ki chhaon me sulaati hai
Ansuni awazon ki bochharon me bhigati hai
Magar chehra nahi dikhati kabhi....
Rakhta hun hath uski kamar pe jab
Naach utth'ti hai, lafzon k ghunghru bandhe
Kagaz ki chhoti naav banati hai
Kucch dubaati kucchh tairaati hai
Kuchh me mujhe bitha kar
Khayalon k dariya me door le jaa kar
Jazbaaton ki lehron se takraati hai
Mutthi me bhar k jab udael deti hai
Wo lehre, umadne lagte hai nazmo mein
