Hum the jo dekha kiye aaina bhi chashm-e-yaar se
Beraham mehroom kar gaya do pal k deedar se
Ye jo do napaak nigaahein takti usi ka raasta
Shab gayi par thakti nahi ye ab bhi intezaar se
Hum the jo dekha kiye bas un labon ki hulchulein
Lafz uske the ya mere khwabon ki wo hasratein
Keh nahi sakte k hum kuchh keh sakein ya sun sakein
Khoye the kuchh iss kadar un baaton ki khamoshi mein
Hum the jo socha kiye ab in veeraan raahon ko
Gum gaye the jisme kabhi hum, un simat-ti baahon ko
Pighli jinse rooh-e-sanam, teri un mehakati aahon ko
Hui paar zalim bedhadak wo teer-e-qatil nigaahon ko
Ab dekhna kya soch kay or dekh k kya sochna
Ye raaz-e-dil hain guzishta ab dil bhala kya kholna
Cheers
Hitesh Dhall
